![](https://static.wixstatic.com/media/b3e96e_06ced70bd65548848d46f3712a018dd5~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/b3e96e_06ced70bd65548848d46f3712a018dd5~mv2.jpg)
關注開 @beets3d 嘅朋友透過FB同IG嘅更新,就知道我哋由9月10日開始一連四個星期六(除卻公衆假期),新上線嘅第一班「創新數位藝術工作坊」已經完滿結束啦!真係好多謝大家嘅參與!等我哋一齊嚟睇睇每堂兩個鐘、合共八個鐘嘅工作坊究竟有幾好玩先!
第一堂:認識 #NomadSculpt ,喺我哋經驗導師指導下,瞭解該數位3D雕塑iPad App嘅基本概念同操作。即使第一次接觸 Nomad Sculpt ,大家都已經可以喺短短兩個鐘頭内整到件3D模型出嚟,真係大人細路都做到!
第二堂:喺經驗導師指導下,我哋會開始用 Nomad Sculpt 製作自己鍾意嘅3D模型,大家都好專心、好投入咁逐漸雕刻出自己3D模型嘅雛形,真係做到快活不知時日過!
第三堂:除咗繼續用 Nomad Sculpt 為自己嘅3D模型刻畫更多細節之外,仲有部Monoprice MP Select Mini V2 3D打印機同大家見面。俾大家睇下3D模型究竟點樣由虛擬世界轉化為實體,嚟到我哋嘅現實世界。
![](https://static.wixstatic.com/media/b3e96e_b9e45315ac354325bac5fcbcc1a5182d~mv2.jpg/v1/fill/w_147,h_147,al_c,q_80,usm_0.66_1.00_0.01,blur_2,enc_auto/b3e96e_b9e45315ac354325bac5fcbcc1a5182d~mv2.jpg)
親眼見到3D打印個模型出嚟嗰種又期待又興奮嘅感覺,真係好難以形容㗎!
收到大家完成嘅3D模型後,我哋人同機都會火力全開咁趕工,務求喺第四堂之前,將大家創作嘅3D模型用3D打印出嚟!咁有效率嘅速度,3D打印做得到!
![](https://static.wixstatic.com/media/b3e96e_0297767e198b435da26ebbfb2b4be10e~mv2.jpeg/v1/fill/w_147,h_104,al_c,q_80,usm_0.66_1.00_0.01,blur_2,enc_auto/b3e96e_0297767e198b435da26ebbfb2b4be10e~mv2.jpeg)
第四堂:大家一齊為3D打印出嚟嘅3D模型上色!大家都好俾心機咁為自己嘅3D模型上色,完成嘅作品真係超靚超吸引,仲係獨一無二!
「創新數位藝術工作坊」進行場地 arthome 藝術家,地點方便不特止(上環地鐵站B出口步行4分鐘),其實仲係一個Gallery,所以嚟參加工作坊嘅朋友,一踏入門口就已經可以感受到濃厚藝術氣息!
![](https://static.wixstatic.com/media/b3e96e_c4079289061f4fc4b856fd2a6933f217~mv2.png/v1/fill/w_49,h_40,al_c,q_85,usm_0.66_1.00_0.01,blur_2,enc_auto/b3e96e_c4079289061f4fc4b856fd2a6933f217~mv2.png)
除咗現實場地真係有一個Gallery之外,我哋亦都喺Spatial整咗個 BeetsGallery,為大家喺 #工作坊 完成嘅作品辦個展覽,等大家可以隨時隨地都欣賞到作品。仲可以約埋朋友一齊睇添,真係好方便!
來去自如、穿梭探索虛擬同現實世界再也不是夢,仲可以將自己創作嘅3D模型帶埋返屋企添!心動不如行動,踏入新時代,我哋預埋你!新一班將會喺10月22號開始,一於約埋朋友一齊嚟「創新數位藝術工作坊」啦!