一「睇」兩面：雙面字製作工作坊

平面嘅字牌名牌就見得多，立體雙面字有冇見過呢？宜家唔止可以見到，仲可以親自製作自己鍾意嘅字詞，甚至將名字製成挂飾，真係送禮自用兩相宜！

我哋會教大家點樣用 Fusion360 製作出自己所選擇嘅字詞。透過製作雙面字嘅過程，可以瞭解Fusion360嘅基本操作，以及製作3D模型嘅基礎認識。

大家所製作嘅立體雙面字會透過3D打印出嚟。大家可以從中認識到3D打印技術嘅基本原理以及3D打印設定，並瞭解到完成打印後需要經過點樣處理，先可以獲得完整嘅打印品。

即使冇任何3D設計及打印嘅經驗，我哋都可以令你喺短短兩至四個鐘入面，一次過體驗晒3D模型製作、3D打印技術嘅樂趣，以及獲得3D立體成品嘅滿足感！

想即刻將技術同實物都帶走？歡迎報名參加雙面字工作坊！