• Kay

童軍知友社 X Beets @ 3D立體打印體驗日



唔知大家對3D打印有咩印象呢?好似好難學喎?啲嘢好複雜咁?都唔知咩嚟嘅?


上一篇網誌我哋介紹過同 @leegardenshk 合作,喺利園兒童學院Xplore推出為7-10歲小朋友而設嘅 Lee Gardens X Beets : Let’s do 3D Printing! 3D打印工作坊,就係話俾大家聽其實3D打印可以一啲都唔難學、唔複雜,仲好好玩添!而其實喺同一日,我哋亦同童軍知友社賽馬會啟業青少年服務中心合作,喺「3D立體打印體驗日」一班12-24歲嘅青少年親身體驗一下3D打印嘅樂趣!









佢哋除咗可以透過我哋嘅講解同分享而更加瞭解3D打印之外,仲可以親眼睇住一個3D立體模型點樣由虛擬世界通過3D打印,帶到嚟現實世界。


最有趣嘅,就係可以喺部平板度用 Nomad Sculpt 呢個數位3D雕塑軟件,親自雕刻出屬於自己3D立體模型啦!大家都好專注咁創作緊自己嘅作品。每一件作品都非常獨特,完全反映出屬於青少年嘅無限創意潛能!









經過今次嘅體驗日,童軍知友社話我哋導師講解得好詳細、亦都好有耐心適時指導,幫助大家瞭解返3D打印嘅設計同操作。我哋聽到都好開心可以幫到大家,期待我哋之後嘅再度合作!


如果你都想用先進3D技術製作一件只屬於自己嘅藝術作品,即刻去報名參加我哋最新推出嘅創新數位藝術工作坊啦!




#3Dprinting#3Ddesign#3Dsculpting#3Dmodel#3Dmodeling#3Dworkshop #youth #teenager






18 次查看0 則留言