相信唔少家長都會有一個疑問：3D打印適唔適合俾小朋友去學？今個8月我哋就用實際行動同 @leegardenshk 合作回答呢個問題，喺利園兒童學院Xplore推出為7-10歲小朋友而設嘅3D打印工作坊！
 |  |
 |  |
參加工作坊嘅小朋友只需要一部iPad同埋一支Apple pencil，就可以用 Nomad Sculpt 呢個數位3D雕塑軟件，雕刻出特具個人風格嘅3D太空人模型。睇下小朋友幾專心咁「畫」緊自己嘅作品！
 |  |
 |  |
為咗俾小朋友更加瞭解3D打印嘅成個過程，我哋仲帶埋部Monoprice MP Select Mini V2 3D打印機，俾小朋友親眼見證一個太空人嘅「誕生」。其實唔只小朋友，大朋友都對3D打印相當感興趣，仲一齊睇住部3D打印機點樣印個太空人出嚟添！
小朋友自己創作嘅太空人3D打印好哂出嚟後，我哋仲教佢哋親手為自己個太空人上顔色，好玩到連家長都忍唔住要一齊髹！
 |  |
 |  |
工作坊完結後，利園兒童學院話無論家長同小朋友反應都非常好，而且覺得內容好豐富，我哋聽到都非常開心，相信不久將來，我哋可以再度合作吧！
小朋友嘅創意同佢哋嘅精力一樣，都係無限大！佢哋嘅作品分分鐘勁過我哋啲大人！希望同樣無限大嘅3D世界可以幫到佢哋發揮潛能，激發佢哋嘅創意思維，合力創造出一個不一樣嘅世界！
其實喺同一時間，我哋同童軍知友社合作舉辦嘅「3D立體打印體驗日」，就係為青少年而設。想知道俾青少年體驗嘅3D打印活動會係乜嘢？咁就要睇睇呢個網誌啦：童軍知友社 X Beets @ 3D立體打印體驗日
如果你都想用先進3D技術製作一件只屬於自己嘅藝術作品，即刻去報名參加我哋最新推出嘅創新數位藝術工作坊啦！大小朋友都啱玩㗎！