top of page
  • 作家相片Kay

3D打印 x 藝術創作:父子檔、拍住上!

已更新:2022年11月17日



#3dartist @vincenty3d 嘅On/Off系列又有新作啦!為咗實現仔仔Wayne各種天馬行空、古靈精怪嘅諗法,同埋記錄低Wayne嘅成長發展,身爲老竇嘅Vincent表示,作品系列嘅靈感同主題真係可以源源不絕、陸續有嚟(笑)



On/Off系列嚟到第三彈,唔知大家有冇發覺作品嘅角色都係成雙成對咁登場?而且頭上都會有個開關掣:On即係」,表示一面;Off即係」,表示一面。透過呢個系列,Vincent希望可以鼓勵大家成爲更好自己,同時亦以反面教材作爲自我警惕及提醒。



而On/Off系列嘅第三彈:Kind 就用經典嘅漫畫「大力水手」人物角色:Bluto同Popeye,作爲善惡之分代表,真可謂係經典中嘅經典!



Bluto顯然係一個尖酸刻薄、喜歡欺負人惡霸,所以頭上個開關掣指向Off。唔知個開關掣可唔可以將Bluto苛刻嘅性格都埋呢?



Popeye則係心地善良嘅代表人物。之但係,由於Popeye會用暴力解決問題,所以佢個開關掣係可以啪上啪落㗎!真係轉On又得,立即轉Off又得,得咗!



Vincent仲做咗個3D打印完成後嘅上色極速示範,想知多啲點樣上色嘅朋友即刻可以睇睇!有興趣嘅朋友仲可以到Vincent嘅Youtube Channel,發掘更多用Nomad Sculpt創作嘅短片!



其實唔止小朋友,就連大人見到On/Off系列作品個開關掣,都忍唔住手想試下係咪真係可以啪下(笑)宜家Popeye個開關掣終於啪到啦!簡直冇得彈!


希望呢個父子檔、拍住上嘅On/Off系列可以長做長有!唔知下一個作品又會係點嘅呢?等我哋一齊嚟期待下先!而有3D打印機嘅朋友,不妨下載Vincent分享嘅Bluto STL檔案,印埋出嚟、試下上色啦!


Beets網站會員(非會員可在下載時免費加入)限定: Bluto STL檔案下載



想知道成個系列嘅發展?呢度有得睇:




76 次查看0 則留言

Comentários

Avaliado com 0 de 5 estrelas.
Ainda sem avaliações

Adicione uma avaliação
bottom of page