靈感來自預言：「末日生存工具」設計概念分享
- info040709
- 7月6日
- 讀畢需時 2 分鐘
— 當地震預言成為熱話，創意設計反而成為最實際的準備！
最近，「日本地震預言」成為香港網民的熱門搜尋，有人半信半疑，有人開始囤糧，也有人擔心唔敢「番鄉下」(去日本)。結果竜樹諒嘅「7月5日大災難」好彩未有言中，但天災嘅嘢，話嚟就嚟，與其擔驚受怕，不如未雨綢繆，將恐懼轉化成創作靈感！
作為一間專注3D設計與打印教育嘅團隊，我哋最近諗過一個有趣又實用嘅課題：如果真係末日嚟到，你會設計咩工具嚟生存？以下就係我哋腦洞大開，諗到可以點用TinkerCAD、Fusion 360同Nomad Sculpt等設計出嚟嘅5款「末日生存工具」，等大家見識下點樣將創意變成生存技能！
1️⃣ 太陽能充電背包（太陽唔落都照頂你條命）
一款可以隨身攜帶嘅背包，入面除咗可以放食水同急救用品，仲有太陽能板，可以幫你手機充電或者點LED燈照明，夜晚唔怕冇光！
2️⃣ 可摺式緊急庇護所（秒開變身帳篷）
設計靈感來自紙摺屋，用Fusion 360設計出一個可以壓縮至背包大小、但打開後可以容納2人嘅庇護所，方便攜帶又實用。
3️⃣ 自動收水裝置（地震無水？落雨救你命）
呢款工具設計用於戶外野外求生，透過簡單結構收集雨水，並內置簡易濾水裝置（可以安裝濾芯或活性碳），用3D打印組件砌出來，概念真係唔錯！
4️⃣ 萬用求生工具手環（戴住你就唔會死）
結合多功能刀具、指南針、哨子同電筒於一身的求生手環，用Nomad Sculpt設計外形，用3D打印製作樣板。即使唔用嚟求生，戴上都幾型。
5️⃣ 自我防衛口哨＋夜光識別牌（求救＋認人一take過）
結合求救口哨同夜光識別牌嘅多功能工具，方便災難中使用。
口哨可以用3D打印製成，聲音響亮，用於求救。
識別牌可印上使用者姓名、血型或緊急聯絡人資料，並加入夜光塗層（或夜光PLA打印），方便黑暗中被發現。整個設計小巧實用，而且可以掛喺背囊或胸前，亦係非常適合用TinkerCAD或Fusion 360練習製作的小項目。
以上嘅意念有啲可能係異想天開，部份未必可以咁易成真或真係實用。我哋係想話畀你知：學習3D設計唔止係藝術或科技，仲可以幫你應對日常生活唔同嘅問題，甚至災難。想你或者你嘅小朋友都識得「設計未來」？快啲嚟報名參加我哋嘅工作坊，又或者每週限定，完全免費嘅「香港AI x 3D打印與設計」探索課程吧！
Comments